Сахалар бу ыйга окко киирэллэр, ый аата онтон быһыллыбыт. От ыйа тохсунньуну батыһар. От итиитин самыыра уонна хаптаҕас итиитин самыыра диэн икки ардахтаах. Ый бүтүүтүн эргин от сыырар тыала түһэр. От ыйын 20-н диэки сир аһа буһар: хаптаҕас, дьэдьэн, сугун. 

Уһун, тымныы кыһыннаах Саха сирин олохтоохторо сайыҥҥы кэми муҥутуурдук туһанан, алааска тахсан сүөһүлэригэр кыһыны туоруур отторун оттууллар. От ыйын 13 күнүн абааһы мунньаҕын күнэ диэннэр, бу күнү аһаран баран окко киирэллэр. 

Таҥаралар күннэрэ:

Бөтүрүөп – от ыйын 12 күнэ. От-мас ситэр. Сахаларга окко киирэр кэрдиис кэм. Ол эрээри Бөтүрүөп иннинэ от охсубатах киһи абааһы мунньаҕын кэнниттэн окко киириэхтээх. Абааһы мунньаҕа сырылас куйааска буолар.

Борокуоппайап – от ыйын 21 күнэ. Туос хастыыр кэм. Кэҕэ үчүгэй дьылга Борукуоппуйапка диэри этэр аатырар. 

"Саха ыалын бастыҥ кинигэтиттэн" быһа тардан сурулунна. Азалия Соргоева "Сенокосная пора. Зной" диэн хартыыната туһанна.