Версия сайта для слабовидящих
14.02.2023 09:02
39

Төрөөбүт төрүт тыл күнүгэр аналлаах тургутук түмүгэ

Уон сомоҕо домоҕун өйдөтөн эппиэт биэрэр ирдэнэр этэ. Кыайыылааҕынан Абаҕа олохтооҕо Филиппова Наталья Егоровна буолла. Н.С, Григорьев фразеологическай тылдьытыгар сомоҕо домохтар маннык быһаарыылаахтар.

1) Анаҕаһын көрдөрдө - ыттыйда, көҥөөтө;

2) баһа байҕал, кутуруга куйаар - элбэх, киэҥ, саарбах дьыаланы, эргиэни, сырыыны, үлэни-хамнаһы тэрийэр киһини этэллэр;

3) икки тара5ай быттаспыттарыгар дылы - икки туга да суох киһи бэйэ-бэйэлэриттэн көрдөспүттэрин этэллэр;

4) кулгааҕар куба саахтаабыт - аанньа истибэт, дьүлэй буолбут; 

5) суор хараҕын сиэбит - аҕыйахтык утуйар, эрдэһит киһи;

6) тириитэ тиийбэт буолбут - дэлби кыыһырбыт;

7) тымныы күрдьэхтээх дьахтар - тымныы дьиэлээх дьахтар;

8) ууну охсон баҕаны куттаама - кыранан куттаама;

9) сөмүйэтин уга сытар сирэ - чугас, туҥана турар сирэ;

10) сымыһаҕы быһы ытыран - сорунан, эр санааны киллэринэн; тугу да гынар кыаҕа суохтан, кыыһыран.

Наталья Егоровна барытыгар сөптөөхтүк хоруйдаата, эҕэрдэлиэххэйиҥ!